भांगरभूंय | प्रतिनिधी
फोंडें, प्रतिनिधी : बेतोडेंचे सरपंच मधू खांडेपारकार हांणी ‘जातीवाचक’ उतर वापरिल्ल्यान फोंडें पुलिसांनी बिरेस्तारा रातीं गुन्यांव नोंद केला. तळेवाडो- बेतोडेंचे उच्चारी गावडे हांणी सरपंचा आड कांय दिसां आदीं कागाळ दाखल केल्ली. उपअधीक्षक शिवराम वायंगणकार हांच्या मार्गदर्शना खाला निरीक्षक विजयनाथ कवळेंकार हे विशीं फुडें तपास करतात.
बेतोडेंचे सरपंच मधू खांडेपारकार आनी पंचायत सचीव आशिष नायक हांचे आड उच्चारी हांणी तांकां उद्देशून जातीवाचक शब्द उच्चारिल्ल्यान फोंडें पुलीस आनी एसटी आयोगा कडेन कागाळ दाखल केल्ली. श्री. खांडेपारकार हांणी जातीवाचक शब्द वापरलो तेन्ना थंय आशिष नायक हजर आशिल्ले. ४ नोव्हेंबराक पंचायत कार्यालयांतल्यान भायर आयले उपरांत खांडेपारकार आनी नायक हांणी उच्चारी हांचे कडेन दुचाकी लागसार वचून वाद घाल्लो. उपरांत जातीवाचक शब्द उच्चारलो. हे विशीं फोंडें पुलीस स्टेशनाचेर कागाळ दाखल केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
