भांगरभूंय | प्रतिनिधी
नवी दिल्ली, खबरां संस्था: एके कडेन मुंबय ते अहमदाबाद बुलेट ट्रेनीचें काम वेगान सुरु आसतना आतां भारतांत हायड्रोजनार चलपी ट्रेन सुरू जातली. डिसेंबर म्हयन्या सावन हायड्रोजन ट्रेनीची ट्रायल जातली. ही ट्रेन डिझेल वा विजेचेर धांवची ना. ती हायड्रोजनाचो वापर इंधन म्हणून करतली. भारतान वर्स २०३० मेरेन झिरो कार्बन उत्सर्जन करपाचें ध्येय दवरलां. ताका लागून भारतीय रेल्वेन हें पावल उबारलां. चलात तर पळोवया हे ट्रेनीचो मार्ग, वेग आनी हेर फिचर्स कितें आसात.
हायड्रोजन ट्रेन कशी काम करतली?
हायड्रोजन इंधन वापरपी ही पयली ट्रेन आसतली. ही ट्रेन ऊर्जा निर्माण करपा खातीर उदकाचो वापर करतली. डिझेल वा वीजेच्या बदला ही ट्रेन हायड्रोजन वार्यार वीज तयार करतली आनी ताचेर धांवतली.
कार्बन उत्सर्जन उणें करतली
भारतीय रेल्वे हायड्रोजन ट्रेनी वरवीं कार्बन उत्सर्जन उणें करतली आनी डिझेल इंजिनान जावपी वार्याचें प्रदुशण उणें करपाचो हेत आसा. हायड्रोजनाचो वापर करुन ही ट्रेन कार्बन डायऑक्सायड, नायट्रोजन ऑक्सायड सारकिल्ले प्रदुशण निर्माण करपी घटक तयार करिना. ताका लागून ही ट्रेन कसलेच माल पडपी उत्सर्जन करची ना. हातूंतल्यान कसलेच तरेचें प्रदुशण जावचें ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
