भांगरभूंय | प्रतिनिधी
फोंडें, प्रतिनिधी : पेटके -धारबांदोडेंच्या राष्ट्रीय महामार्गाचेर पाडकाक वाटायतना रिक्षा, जीप आनी गाडये मदीं अपघात. ह्या वेळार पाडकुल्याक जाग्यारूच मरण आयलें. हातूंत गाडयेचें व्हड लुकसाण जालें. फोंडें पुलिसांनी अपघाताचो पंचनामो केलो.
मेळिल्ले म्हायती प्रमाण, सकाळीं सुमार ९.३० वरांचेर केए- ६३- ए- ११२४ क्रमांकाची रिक्षा मोल्यां वटेन वताली. तेन्ना अचकीत ते रिक्षे मुखार आयिल्ल्या पाडकुल्याक वाटावपाचो यत्न चालकान केलो. मात पाडकाक रिक्षेचो धपको बशिल्ल्यान ताका जाग्यारूच मरण आयलें. तेन्ना हे रिक्षे फाटल्यान येवपी केए- २५- एसी- ०६५६ क्रमांकाचे जिपीन अचकीत ब्रेक लायिल्ल्यान तेच दिकेन धांवपी जीए – ०५- डी -१०४२ नंबराचे गाडयेचो धपको जिपीक बसलो. हातूंत गाडयेचें लुकसाण जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
