भांगरभूंय | प्रतिनिधी
पणजी ः कदंबा म्हामंडळ 70 वाहक (conductor) पदां खातीर भरती करतले. हीं पदां दिसपट्टीं तत्वाचेर भरतले. हाचे खातीर दिसाक 733 रुपया पगार दितले. धावी पास आनी येरादारी खात्यान जारी केल्लो वाहक परवानो आनी बॅज आशिल्ल्या उमेदवारांक म्हामंडळान अर्ज करपाचो उलो केला.
https://www.facebook.com/share/v/1Ttxx4u2Pk
इत्सूक उमेदवारांनी 21 नोव्हेंबर मेरेन म्हामंडळाच्या पर्वरी कार्यालयांत अर्ज सादर करप गरजेचें आसा. उमेदवाराची पिराय 45 वर्सां परस चड आसूंक फावना. कोंकणी, इंग्लीश, मराठी आनी हिंदी भाशेचें गिन्यान आसप गरजेचें. गोंयांतलो 15 वर्सांचो राबितो दाखलो आनी बेरोजगार म्हणून तांणे सरकारकडल्यान खंयचेय येवजणेचो अर्थीक फायदो घेतिल्लो आसूंक जायना. तशेंच स्वताचो वेवसाय सुरू करपाक लेगीत खंयचेय सरकारी येवजणेचो फायदो घेतिल्लो आसूंक फावना. वट्ट 70 जाग्यां मदली 35 सुवाती अनारक्षीत आसतल्यो. जाल्यार ओबीसी खातीर 20, एसटी खातीर 9, एससी खातीर 1, ईडब्ल्यूएस खातीर 2, सीएफएफ खातीर 1 आनी वेगवेगळ्या दिव्यांगा खातीर 2 सुवाती राखून दवरतले. www.ktclgoa.com वा www.goa.gov.in ह्या संकेतथळार म्हायती आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
