भांगरभूंय | प्रतिनिधी
-अमेझींग गोंय परिशदेंत नवउद्देजकांक मेळ्ळी उर्बापणजीः अमेझींग गोंय वर्ल्ड बिझनेस कॉन्फरन्स 2024 त हाजीर आशिल्ल्यांक प्रेरणा दिवपाचें काम चालूच दवरलें. ह्या परिशदेंतलें व्हडलें आकर्शण म्हणल्यार सगळ्यांत लांब कुणबी साडयेचो संवसारीक विक्रम. ही साडी102 मिटर लांब आसा. ताका लागून तिणें संवसारीक विक्रम केला.
दुसऱ्या दिसा आकर्शक सत्रांनी नवनिर्माण, उद्देजकता आनी जागतीक बाजारांतल्या संदींचेर लक्ष केंद्रीत केलें. व्हायब्रेंट गोवा फावंडेशनान गोंय सरकाराच्या सहकार्यान आयोजीत केल्ल्या ह्या कार्यावळींत संवसारभरांतले वेवसायीक, उद्देजक आनी तज्ञ आकर्शीत जाले. गिन्यानाची वांटणी आनी रणनिती भागिदारीचेर लक्ष केंद्रीत करून ह्या शिखर सभेंत विचार करपासारकी चर्चा, परिवर्तनकारी विचारांचो आदान-प्रदान आनी 305 बी टू बी बसका, गोंयच्या उद्देगाक आनी 100 वयर आंतरराष्ट्रीय प्रतिनिधींक एकठांय हाडून सहकार आनी जागतीक भागिदारी वाडोवपाक एक माची मेळ्ळी.
ह्या शिखर सभेंत अपूर्व तंत्रीक उदरगत, उद्देग आनी समाजाचेर ताचो परिणाम हांचो अभ्यास केलो. व्हेंचुरा, एक व्हायब्रेंट गोवा फावंडेशन उपक्रम जो विद्यार्थी उद्देजकतेची परब मनयताले. उपरांत आयात-निर्यात संदींचेर जाल्ल्या सत्रांत संवसारीक पांवड्यार विस्तार करपाचो हेत आशिल्ल्या वेवसायांक योग्य मार्गदर्शन मेळ्ळे.
लर्निंग लाऊंज 1 त जायते देश – विशिश्ट सत्रां घडोवन हाडलीं, जीं वेगवेगळ्या जागतीक बाजारांत वेवसायांक कशी येसस्वी जावचीं हाचेर मार्गदर्शन करपा खातीर तयार केल्लीं.
लर्निंग लाऊंज 2 आकर्शक आशिल्लें, एसएसएमई खातीर अर्थीक आनी एनएसईचेर नोंदणी करपा विशीं मुखेल सत्रां आशिल्लीं, सत्रां नवनिर्माण आनी टिकावूपणाक बांदिल्लीं आशिल्लीं. बायलो फुडारपण करतात, नवें करतात आनी फुडाराक आकार दितात अशी पर्यावरण यंत्रणा बांदपाचेर चर्चा जावन हो दीस सोंपलो. उ
परांतच्या सत्रांत, इन्व्हेस्टमेंट स्ट्रॅटेजीज फॉर अ व्होलेटाइल ग्लोबल इकोनॉमी ह्या सत्रांत अर्थीक अस्थिरतायेंतल्यान वचपाच्या आव्हानांक तोंड दिलें. दनपारां हवामान-जागृत संवसारांतल्या शेतकी आनी अन्न प्रक्रियांचो फुडार ह्या विशयाचेर विचार करपा सारके सत्रान हाजीर आशिल्ल्यांचें लक्ष अोडून घेतलें.
नवीकरणीय उर्जेचें विकेंद्रीकरण ह्या विशयांत समुदाय चालीक लायिल्ल्या उर्जा उपायांनी थळाव्या अर्थवेवस्थेंत कशें बदल घडोवन हाडूंक शकता हाचो अभ्यास केलो. संशोधनाचेर आदारीत प्रगती वेगवेगळ्या क्षेत्रांत बदल कसो हाडूंक शकता हाचो अभ्यास केल्ल्या सीएसआर तंत्रज्ञानाचेर सत्र जाले.
अमेजिंग गोवा वर्ल्ड बिझनेस कॉन्फरन्स 2024 प्रभावी संवाद आनी अर्थपूर्ण भागिदारी खातीर उच्च दर्जाची माची दिता. आमी चड भेटीदारांक येवकार दिवपाक आनी निमाणो दीस एक अविस्मरणीय अणभव करपाक, तिगून उरपी भागिदारी वाडोवपाक आनी जागतीक वेवसायीक यश मेळोवपाक आशेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
