भांगरभूंय | प्रतिनिधी
कोंकणी भाशा मंडळ, गोंय घडोवन हाडटा लीलावती दामोदर नायक यादस्तीक ‘चित्रंगी’ समाजीक आनी साहित्यीक मेळावो. कोपार्डें सत्तरीच्या घोटेर फार्म हावजांत ९ आनी १० नोव्हेंबराक हो सुवाळो आयोजीत केला. हातूंत विंगड विंगड तरेचीं चर्चासत्रां, पुस्तक प्रकाशन हांचो आसपाव आसा. ९ नोव्हेंबराक दनपारच्या ३.३० वरांचेर ह्या सुवाळ्याचें उक्तावण जातलें. ह्या दोन दिसांच्या सुवाळ्यांत साहित्यीक, वाचक, समाज कार्यकर्ते, बायलां भजनी कलाकार, उद्देजक हांणी व्हडा प्रमाणांत हजर रावपाचो उलो आयोजकांनी मारला.
—
हेडलॅण्ड सडा मुरगांवच्या श्री इस्वटीब्राह्मण लक्ष्मीनारायण देवळाच्या आंगणांत अष्टविनायक आर्ट कल्चरल स्पोर्टस् क्लब आनी साईप्रसाद वसंत सातार्डेंकार फावंडेशनाच्या जोड पालवान दुसरी अखील गोंय आकाशदिवो सर्त शेनवार ता. ९ नोव्हेंबराक सांजेवेळार ६ ते रातच्या ९ वरां मेरेन आयोजीत केल्या.
विशेश सुचवण्यो: दरेका सर्तकांनी आपापल्या आकाशदिव्यांत लावपा खातीर बल्ब हाडचो. परिक्षकांचो निर्णय निमाणो आसतलो. हर्त सोंपले उपरांत रोखडींच इनामां भेटयतले. हे सर्तींत वांटो घेवपा खातीर ९८२३८८०६८७ ह्या क्रमांकाचेर संपर्क करपाचो उलो आयोजकांनी मारला.
आखाड्यावेल्या श्री पांडुरंग देवळांत दर वर्सा प्रमाण अंदूंय २४ वरांचें अंखड भजनी सप्तक मंगळार १२ ते बुधवार १३ नोव्हेंबराक व्हडा भक्तीभावान समेस्त देवळाच्या महाजनां वतीन मनयतले. ह्या सप्तकाचे श्रृती आनी अमर भोसले आसात. ह्या दोनूय दिसा विंगड विंगड सांस्कृतीक आनी धर्मीक कार्यावळींचें आयोजन केलां.
—
शुक्रार, ८ नोव्हेंबराक पिळर्णच्या म्युझियम ऑफ गोवा (चजॠ) त ’द नेटिव्ह टेबल’ हे कार्यावळीचें आयोजन करतले. नामनेची शेफ अंजली प्रभू वळवयकार हांच्या नेतृत्वा खाला ही विशेश कार्यावळ जातली. सांजेवेळार ५.३० वरांचेर ही कार्यावळ सुरू जातली.
—
तारीवाडा माशेलांतल्या साईकला मंडळाचो ३२ वो वर्धापन दीस सुवाळो १६ नोव्हेंबराक सांजेवेळार ६.३० वरांचेर विंगड विंगड कार्यावळींनी मनयतले. ह्या निमतान ३२ वी अखील गोंय आकाशदिवो सर्त आयोजीत केल्या. तशेंच फॅन्सी ड्रेस सर्त आनी सोलो डान्स सर्तीचें आयोजन केलां. ह्या सर्तीं खातीर नांव नोंद आनी चड म्हायती खातीर ९८२३७६४९५०/ ९८५०४०२०८८ ह्या नंबराचेर संपर्क करपाचो उलो आयोजकांनी मारला.
—
कुंभारजुवेंच्या सार्वजनीक गणेशोत्सव सांस्कृतीक कला आनी खेळां मंडळा वतीन अखील गोंय पयली आकाशदिवो सर्त १६ नोव्हेंबराक सांजेवेळार ७ वरांचेर छत्रपती चक, आदलो बसस्टँड कुंभारजुव्यां आयोजीत केलां. मेटलचे आकाशदिवे सर्तींत स्विकारचे ना. नांव नोंदणी खातीर दर्शना फडते (९३०७१४८५६२) हांचे कडेन संपर्क करचो.
—
फाटल्या २५ वर्सां सावन सेगीत गोमंतक मराठी भाशा परिशद फोंडें – गोंय, स. प्रो. बाळकृष्ण वामन सावड्डेंकार मराठी वक्तृत्व सर्तीचें आयोजन करता. २० नोव्हेंबर ते २२ डिसेंबर मेरेन हे सर्तीची म्हाल पांवड्यार फेरी घेतले. निमाणी फेरी मंगेशींच्या वागळे हायस्कुलांत २२ डिसेंबराक सकाळच्या ९ वरांचेर घेतले. दिवचले केंद्रांत ही सर्त ३० नोव्हेंबराक जातली. हे सर्ती विशीं चड म्हायती खातीर दिवचल केंद्र मुखेली कालिदास उमर्ये (९९७५९६२९५१) हांचे कडेन संपर्क करचो असो उलो आयोजकांनी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
