भांगरभूंय | प्रतिनिधी
सहारनपूर, खबरां संस्था: हांगा रस्ताद सुण्यांनी चार भुरग्यांचेर हल्लो केलो. त्यो चलयो मदरशांतल्यान परतताल्यो. अचकीत तांच्या चोंय वटेन सुणीं आयिल्ल्यान तीं धांवपाक लागलीं. मात त्या सुण्यांनी तांचेर हल्लो केलो. त्या रस्ताद सुण्यांनी दोगां चलयांच्या तोंडाचें मांस घांस मारून खाल्लें. तशेंच तांचे छातयेर, हातांचेर आनी पांयांक गंभीर जखमो जाल्यात.
त्या माणकुल्याच्यो किंळच्यो आयकून गांवचे लोक धांवत आयले. लोकांनी बडयो-फातर मारन त्या सुण्यांक थंयच्यान धांवडायले. त्या सगळ्या चलयांक लागसारच्या हॉस्पिटलांत व्हेलीं. हें प्रकरण सांगतेडा गांवचें.
बिरेस्तारा सांगतेडा गांवांतल्या जैनब (६), सुमैया (४), सदना (५) आनी नबिया (६) हीं मदरशांत शिकपा खातीर गेल्लीं. तीं अभ्यास करून परततालीं. तेन्ना थंय एक सुणो आयलो आनी तांकां भोंकपाक लागलो. कांय वेळान आनीक सुणे आयले. तांचे पसून स्वताक वाटावपाक त्यो चलयो थंयच्यान धांवपाक लागल्यो. मात त्या सुण्यांनी तांचो फाटलाव केलो.
सुण्यांनी तांचेर उडी घालून तांकां सकयल उडयलीं. उपरांत ते तांचेर हल्लो करपाक लागले. हातूंत त्यो चलयो गंभीर जखमी जाल्यो. सुण्यांनी फाफशिल्ल्यान तांच्या शरिरांतल्यान रगत व्हांवपाक लागलें. दोतोरांनी सांगलें, त्या सुण्यांनी दोगा चलयांच्या तोंडाचें मांस काडलें. चलयो गंभीर जखमी जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
