राष्ट्रपती द्रौपदी मुर्मू गोंयांत
भांगरभूंय | प्रतिनिधी
वास्को, प्रतिनिधी: राष्ट्रपती द्रौपदी मुर्मू बिरेस्तारा सकाळीं गोंयांत पावल्यो. भारतीय नौदळाच्या हंस तळार पावले उपरांत राज्यपाल पी.एस श्रीधरन पिल्लई, मुख्यमंत्री डॉ. प्रमोद सावंत, शिश्टाचार मंत्री मॉवीन गुदिन्हो आनी हेरांनी तांकां येवकार दिलो.
खासदार कॅप्टन विरेयतो फर्नांडीस, विरोधी पक्ष फुडारी युरी आलेमांव, मुखेल सचीव डॉ. व्ही. चंदावेलो, ऍडमिरल दिनेश त्रिपाठी, जिल्लोधिकार एग्ना क्लीटस हींवूय येवकार दिवंक हाजीर आशिल्लीं. राष्ट्रपती गोंयांत पावतांच नौदळाच्या १५० जवानांनी तांकां मानवंदना दिली.
उपरांत राष्ट्रपती मुर्मू कारवारा नौदळाच्या तळार गेल्यो. थंय त्यो विमानवाहक युध्दनौका विक्रांतचेर वतल्यो. विक्रांताचेर जावपी नौदळाच्या विवीध कामांची पळोवणी करतल्यो. तशेंच विक्रांतवेल्यान दर्यांत जावपी विवीध कवायती पळयतल्यो. भारतान बांदिल्ली विक्रांत ही पयली स्वदेशी विमानांची झुजाबोट. राष्ट्रपती विक्रांताक पयलेच फावट भेट दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
