भांगरभूंय | प्रतिनिधी
भांगरभूंय । प्रतिनिधी
म्हापशेंः म्हापशें पालिका वाठारांतल्या वॉर्ड 7तलो कोयर व्हरपा खातीर वॉर्डाचो नगरसेवक तारक आरोलकार हांणी खासा वाहनाची वेवस्था केल्या. ताचें लोकार्पण शिक्षक प्रदीप सावंत हाचें हस्तुकीं जालें. एकाद्र्या वॉर्डा खातीर कोयर व्हरपाक खासा वाहनाची वेवस्था करपाचें काम पयलेच खेप जाता अशें तांणी सांगलें.
ह्या वेळार आरोलकार, अरूण गवंडळकार, शेट्येवाडोो शेतकार संघाचो अध्यक्ष समीर गडेकार, सिद्धार्थ मयेकार, गजानन गडेकार आनी हेर लोक हाजीर आशिल्ले. तारक आरोलकार हांची देख सगल्या नगरसेवकांनी घेवपाक जाय
कोयर वेळच्या वेळार उखलून व्हेल्यार शारा सोबीत तशेंच नितळ दवोरप जातलें अशें सावंत हांणी सांगलें.
वॉर्डांतलो कोयर व्हरपा खातीर पालिकेचें वाहन सदांच मेळनाशिल्लें. ताका लागून सगळे कडेन कोयर दिसतालो. लॉर्ड कोयर मुक्त करपाचो विचार मनांत आयलो आनी ते खातीर वाहनाची वेवस्था केल्या. घरांतली भायर उडोवपाची माती, गार्डनालो कोयर व्हरपा खातीर हें वाहन वापरपाक मेळटलें. ते खातीर लोकांनी आपले कडेन संपर्क सादचो अशें तारक आरोलकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
