भांगरभूंय | प्रतिनिधी
नवी दिल्ली, खबरां संस्था ः टॉमटॉम ट्रॅफिक इंडेक्सान जाहीर केल्ल्या अहवालांत पुराय आशियांतल्या सगळ्यांत चड येरादारी आनी चड गाडयांची गर्दी आशिल्ल्या शारां मदीं देशांतल्या दोन शारांचो आस्पाव आसा. हातूंत बेंगळुरू पयलें जाल्यार पुणे दुसऱ्या क्रमांकाचेर आसा.
बेंगळुरांत चार चाकी गाडयेंतल्यान 10 किमी अंतर वचपाक 28 मिनटां 10 सेकंद लागतात. पुण्यांत तेंच अंतर वचपाक 27 मिनटां 50 सेकंद लागतात.
हाचे भायर नवी दिल्ली 12 वे सुवातेर आनी मुंबय 14 वे सुवातेर आसा. नवी दिल्लींत 10 किमी आनी मुंबयंत 21.20 मिण्टांचें अंतर वचपाक सरासरी 21.40 मिनटां लागतात.
संवसारीक पांवड्यार ब्रिटनाची राजधानी लंडन आनी आयर्लंडाची राजधानी डब्लिन हीं सगळ्यांत चड येरादारी आनी गाडयांची चड गर्दी आशिल्लीं शारां.
१० किमी अंतर वचपाक लंडनांत सरासरी ३७.२० मिनटां आनी डब्लिनांत २९.३० मिनटां लागतात.
अहवालांत 55 देशांतल्या 387 शारांच्या ट्रॅफिक ट्रेंड डेटाचो तपशील दिला. तशेंच आशियाई विकास बँकेच्या म्हणण्या प्रमाण शारांनी वाडत वचपी लोकसंख्येक लागून दर 6 वर्सांनी शारांतल्या वाहनांचो आंकडो दुपेटीन वाडत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
