भांगरभूंय | प्रतिनिधी
पणजीः सौ मीलन अंबाजी कामत हिणे बरयल्ल्या ‘अनुबंध’ ह्या गोंयांतलो पयलो फोटो पत्रकार अंबाजी कामत हांचे जिणेचेर बरयल्ल्या पुस्तकाचें प्रकाशन आयतार 24 जुलयाक दनपारां 3.30 वराचेंर जातलें. पणजेच्या गोमंतक साहित्य सेवक मंडळाच्या सभाघरांत जावपी हे कार्यावळींत दै. नवप्रभाचो संपादक परेश प्रभू हांचे हस्तुकीं ह्या आत्मचरित्र पुस्तकांचें प्रकाश जातलें. कोवीड म्हामारीक लागून फाटल्या दोन वर्सांत ह्या पुस्तकाचें प्रकाशन जावपाक शकलें ना. प्राचार्य रमेश सप्रे हांची ह्या पुस्तकांत प्रस्तावना आसा.
अंबाजी कामत हांचे इश्ट, वांगडी पत्रकार तशेंच बरें मागतल्यांनी ह्या पुस्तक प्रकाशन कार्यावळीक हाजीर रावचें अशें सै मीलन कामत हिणे मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
