भांगरभूंय | प्रतिनिधी
सोशल मिडियावेलो इंस्टाग्राम हो ॲप इश्ट, कुटूंब आनी सोयर्यांक जोडपा खातीर खूब उपेगी पडटा. आयचे वेगान चलपी जिणेंत सोशल मिडिया ॲप इंस्टाग्रामाच्या आदारान सगळेच एकामेकां विशीं स्टेटस, मॅसेजी वरवीं खबर दवरतात.
ह्या सगळ्यांत कांय जाणांक इंस्टाग्राम धोक्याचें जावपाक लागलां. सोशल मिडिया खात्यांतल्यान गुन्यांवकार लोकांच्या हालचालींचो पळोवणी करतात हें जायते फावट दिसून आयलां. जें खूब धोक्याचे आसा. तुमकांय अशा लोकां पसून पयस रावपाक जाय जाल्यार तुमी हांगा दिल्ल्यो टिप्स पाळच्यो.
इंस्टाग्राम खातें खाजगी
इंस्टाग्रामान वापरप्यांचे सुरक्षे खातीर जायतीं खाशेलपणां दिल्यांत, तातूंत खातें खाजगी करप हांचो आस्पाव आसा. जेन्ना तुमी हें वैशिश्ट्य सक्रिय करतात तेन्ना तुमचो फॉलोअर नाशिल्ल्या कोणाकूच तुमच्या खात्यांत घाल्ली म्हायती दिसना.
फेसबूक आनी इंस्टाग्राम वेगळे करात
मेटा ही फेसबूक आनी इंस्टाग्रामाची मूळ कंपनी. ह्या कारणा खातीर मेटा फेसबूक आनी इंस्टाग्रामाचेर लिंक करपाक परवानगी दिता. फेसबूकाचेर कितेंय पोस्ट केल्यार तें इंस्टाग्रामाचेर शेअर जाता, आनी इंस्टाग्रामाचेर कितेंय पोस्ट केल्यार आपोआप फेसबूकाचेर शेअर जाता.
फेसबूक आनी इंस्टाग्रामार वेगवेगळ्या सर्कलांतले लोक तुमचे वांगडा जोडटात, अशे परिस्थितींत तुमी दोनूय अकावंटचे पोस्ट शेअर करपाचो पर्याय बंद केल्यार तुमच्या कनेक्टिव्हीटीची फाटपुरवण घेवप कठीण जातलें.
लागींच्या इश्टांची वळेरी तयार करात
इंस्टाग्रामार तुमकां लागींच्या इश्टांची वळेरी तयार करपाक मेळटा. ह्या खाशेलपणांत, तुमी तुमचे पोस्ट फकत कांय लोकांक दाखोवपा खातीर लागींच्या इश्टांची वळेरी तयार करूंक शकतात, ताचे उपरांत तुमकां खबर नाशिल्ले लोक तुमचे पोस्ट आनी म्हायती पळोवंक आनी ट्रॅक करूंक शकचे नात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
