भांगरभूंय | प्रतिनिधी
जोयडा, प्रतिनिधी ः अनमोड अबकारी चेकनाक्याचेर अशोक लेलँड गाडयेची तपासणी केली तेन्ना गोंयांत तयार केल्लो 45 हजारांचो सोरो मेळ्ळो. ह्या प्रकरणांत बीजापूर जिल्ह्यांतल्या सिदंगी हांगाचो ड्रायव्हर दरेप्पा बिरादार हाका अटक केल्या. ताचे कडेन मेळिल्लो सोरो आनी ट्रक जप्त केला.
मेळिल्ले म्हायती प्रमाण, अशोक लेलँड KA32AA8571 ह्या क्रमांकाच्या ट्रकांतल्यान गोंयांतल्यान सोरो भायर व्हरतात अशी म्हायती अबकारी खात्याक मेळ्ळिल्ली. ते प्रमाण अबकारी निरीक्षक महेंद्र नायक हांच्या फुडारपणा खाला गाडयेची तपासणी केली. तेन्ना ब्ल्यू व्हिस्की कंपनीचो 45 हजारांचो सोऱ्याचो सांठो सांपडलो. अबकारी उपनिरिक्षक टी बी मल्लन, अधिकारी एस. बनसोडी, संतोष सुब्बण्णावर महांतेश आनी रवी संकन्नवर हांणी ही कामगिरी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
