भांगरभूंय | प्रतिनिधी
-15 ते 20 नोव्हेंबर काळांत पेडणें ते काणकोण मेरेन दुचाकी रॅलीपणजीः आदर्श युवा संघ आनी आदिवासी कल्याण खात्यान भगवान बिरसा मुंडा गौरव यात्रेचें आयोयन केला. ते प्रमाण 15 ते 20 नोव्हेंबर ह्या काळांत पेडणें आनी काणकोण हांचे मदीं दुचाकींची रॅली आयोजीत केल्या. शुक्रारा पणजेंत जाल्ले पत्रकार परिशदेंत सभापती रमेश तवडकार हांणी ही म्हायती दिली. सुरेश केपेकार, प्रभाकर गांवकार, मोहन गांवकार,धाकू मडकयकार आनी हेर ह्या वेळार हजर आशिल्ले.
भगवान बिरसा मुंडा हांच्या बलिदानाचो उगडास करपा खातीर आमी भगवान बिरसा मुंडाचो जल्मदीस भव्य रितीन मनोवपाचो निर्णय घेतला अशें तवडकार हांणी सांगलें. ते प्रमाण एक हजार दुचाकी हे 6 दीस हे रॅलींत वांटो घेतले. 15 तारखेक पत्रादेवी सावन मुख्यमंत्र्यांच्या हस्तुकं हे रॅलीकसुरवात जातली. हाचे उपरांत रॅली सांखळे हांगा पावतली. सांजवेळार रवींद्र भवन सांखळे हांगा सांस्कृतीक कार्यावळी आसतल्यो.
16 तारखेक ही रॅली सांखळी सावन बेतोड्यां (फोंडें) मेरेन वतली. 17 तारखेक फोंडा – धारबांदोडें – कुडचडें सावन प्रवास आसतलो. 18 तारखेक सांगें ते केपें, 19 तारखेक केपें-मडगांव-बाळ्ळी आनी निमाण्या दिसा बाळ्ळी ते काणकोण मेरेनहे रॅलीचो प्रवास आसतलो.
केंद्रीय आदिवासी कल्याण राज्यमंत्री दुर्गादास उइके ह्या प्रवासाच्या निमाण्या सुवाळ्याक मुखेल सोयरो म्हूण हाजीर रावपाचे आसात. रवींद्र भवन काणकोणां सांस्कृतीक कार्यावळींनी ही यात्रा सोंपतली अशें तवडकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
