भांगरभूंय | प्रतिनिधी
फोंडें, प्रतिनिधी ः बेतोड्यां झुबेर झाहीर अहमद (44, मालेगांव-नाशिक) हाका मारपेट करून गंभीर जखमी केल्ल्या प्रकरणांत फोंडें पुलिसांनी खालिद शेख, सलमान शेख आनी मौल्ला अली हांचे आड बिरेस्तारा उसरां गुन्यांव नोंद केलो. जखमी जाल्ल्या झुबेर झाहीर अहमद हाचेर जीएमसींत उपचार चलतात. पुलिसांनी खालिद शेख आनी मौल्ला अली हांकां अटक केल्या.
पुलिसांनी दिल्ले म्हायती प्रमाण, फाटल्या कांय दिसां सावन झुबेर बेतोड्यां वाठारांतल्या मुसलमान भावांचेर परत परत विधानां करतालो. बिरेस्तारा दनपारां तो बेतोड्यां वाठारांत गेलो आनी परतून मुसलमान भावांचेर विधानां केलीं. उपरांत कांय जाणांनी ताका मारपेट केली. तांतूत तो गंभीर जखमी जालो. पुलिसांनी घेतिल्ल्या जबानीत ताणें खालिद शेख, सलमान शेख आनी मौल्ला अली हांणी आपणाक मार घालो अशें सांगलें. फुडलो तपास निरिक्षक विजयनाथ करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
