भांगरभूंय | प्रतिनिधी
मडगांव : कुंकळ्ळे आयडीसींतल्या सनरायज इलेक्ट्रॉमेल्ट कंपनी वाठारांत ट्रक फाटीं घेतना कामगार कुना भास्कर गौंडा (रा. ओडिशा) हो ट्रकाच्या फाटल्या चाकाक सांपडिल्ल्यान गंभीर जखमी जालो. ताचेर जीएमसींत उपचार सुरू आसात. ड्रायव्हर अल्लासाब तहसीलदार (रा. कर्नाटक) हाचे सयत आनीक एका अनवळख्या आड गुन्यांव नोंद केला.
पुलिसांनी दिल्ले म्हायती प्रमाण, २५ ऑक्टोबराक ही घडणूक घडली. तहसीलदार हो ट्रक फाटीं घेतना फाटल्या चाकाक कंपनीतलो कामगार कुणा भास्कर गौडा (सध्या रा. सनराईज इलेक्ट्रॉमेल्ट कंपनी आनी मूळ ओडिशा) हो सांपडलो. ताच्या दोनूय पांयांक गंभीर दुखापत जाल्या. तांचेर सध्या बांबोळे हॉस्पिटलांत उपचार सुरू आसात. हेड कॉन्स्टेबल मंगेश सातोडकार फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
