भांगरभूंय | प्रतिनिधी
मुंबय, खबरां संस्थां : महाराष्ट्र विधानसभा वेंचणुके खातीर उमेदवारी अर्ज दाखल करपाचो निमाणो दीस मंगळारा (२९ ऑक्टोबर) आशिल्लो. मंगळारा दनपरां मेरेन महाविकास आघाडी आनी महायुती हांणी उमेदवार जाहीर करपाचें काम चालूच दवरलें. महायुती आनी महाविकास आघाडी हांणी निमाणे मेरेन जागे वाटपाचें आपलें निमाणें सूत्र जाहीर करूंक ना. मजगतीं, महायुतीन वेंचणुकेच्या मळार २८५ उमेदवार उबे केल्यात. महाविकास आघाडीन २८१ उमेदवारांची उमेदवारी दिल्या. हाचे वांगडा मनसे, वंचित बहुज आघाडी, समाजवादी पार्टी, बहुजन समाज पार्टी सयत हेर जायत्या पक्षांनी राज्यांत तांचे उमेदवार उबे केल्यात.
मुखेल वेंचणूक अधिकार्याच्या म्हणण्या प्रमाण वट्ट ७,९९५ जाणांनी १०,९०५ उमेदवारी पत्र दाखल केल्यांत. वेंचणूक अधिकारी आयज (३० ऑक्टोबर) ह्या अर्जांची तपासणी करतले. देखून वेंचणूक आयोगान जारी केल्ले परिपत्रके प्रमाण ४ नोव्हेंबर मेरेन उमेदवारी अर्ज फाटीं घेवंक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
