भांगरभूंय | प्रतिनिधी
पेडणें, प्रतिनिधी : मांद्रें पंचायत वाठारांतल्या आश्वें सर्वे क्रमांक २२२/१ बी हांगा बेकायदेशीर बांदकाम आशिल्ल्याची कागाळ आयले उपरांत पेडणें उपजिल्लोधिकार्यांनी बांधकामां विशीं काम बंद दवरात, असो आदेश दिल्लो. सगळे तरेचे परवाने घेवन आमी बांदकाम करतात. तशे तरेचीं कागदपत्रां पेडणें उपजिल्लोधिकारी कार्यालयांत सादर केले उपरांत उपजिल्लोधिकारी शिवप्रसाद नायक हांणी दिल्ली नोटीस फाटीं घेतिल्ल्याची म्हायती कागद पत्रां सयत संबंदीतांनी दाखयली.
आश्वें मांद्रेंच्या हे बांदकाम बेकायदेशीर आशिल्ल्याची कागाळ थळाव्यांनी पेडणें उपजिल्लोधिकारी कार्यालयांत केल्ली. ते प्रमाण पेडणें उपजिल्लोधिकारी शिवप्रसाद नायक हांणी गंभीर दखल घेवन संबंधितांक नोटीस धाडून काम बंद करपाचो आदेश दिल्लो.
ह्या बांदकाम संबंधी दिल्ली नोटीस फाटीं घेतली, तशेंच रान खातें कार्यालयांतल्यान कांय झाडां कापपाची परवानगी दिल्ल्याचीं कागदां केलीं.
थळावे पंच वांगडी किरण सावंत हांणी प्रतिक्रिया दितना, संबंदीत बांधकाम करप्यांनी परवाने घेतिल्ल्यान नोटीस फाटीं घेतली, अशें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
