भांगरभूंय | प्रतिनिधी
भूवनेश्वर, खबरां संस्था: दाना चक्रीवादळ आनी ताका लागून आयिल्ल्या घोग्यांनी पावसाक लागून ओडिशांतल्या १.७५ लाख एकर जमनीवेल्या उब्या पिकांचें लुकसाण जालें. जाल्यार २.८० लाख एकर जमनीवेलें पीक उदका पोंदाक गेल्ल्याचो अदमास कृषी आनी शेतकरी सक्षमीकरण विभागाचे प्रधान सचीव अरबिंदा पाधी हांणी एक्साचेर स्टेटस घालून उक्तायला. तशेंच राज्य सरकारान कृषी आनी महसूल विभागाच्या अधिकार्यांक चक्रीवादळाक जाल्ल्या पिकांच्या लुकसाणाचे पंचनामे करपाचे आदेश दिल्ल्याची म्हायती तांणी दिल्या. अहवाला उपरांत सरकार शेतकारांचे लुकसाणभरपायेचो निर्णय घेतलें अशें मुख्यमंत्री मोहन चरण माझी हांणी सांगलें.
बालासोर जिल्ह्याक चड फटको
ओडिशाच्या बालासोर जिल्ह्याचो दक्षिणे कडलो भाग खैरा, सिमुलिया, बहनगा, सोरो, औपाडा आनी निलागिरी ह्या भागांक दाना चक्रीवादळाचो सगळ्यांच चड फटकाी बशिल्ल्याचें जिल्लोधिकारी सूर्यबंसी मयूर विकास हांणी सांगलें. हांगच्या सुमार ४० हजार घरांची लायट बंद उडयल्ली. राज्याचे महसूल आनी आपत्ती वेवस्थापन मंत्री सुरेश पुजारी हांणी परिस्थितीचेर लक्ष दवरून आशिल्ल्याचें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
