भांगरभूंय | प्रतिनिधी
अलीबाग, खबरां संस्था ः गोल्ड फ्लेक कंपनीच्या नांवान बनावट सिगरेट तयार करून वेगवेगळ्या राज्यांनी वांटपी कंपनीचेर रायगड पुलिसांनी धाड घाली. हांतूत पांच कोटींचो म्हाल जप्त करुन कंपनी चलोवपी १५ जाणांक पुलिसांनी ताब्यांत घेतले.
कर्जतच्या सांगवी गांवांतल्या निर्जन वाठारांत आशिल्ल्या आलिशान फार्महावसांत ही कंपनी बेकायदेशीर रितीन स्थापन केल्ली. सिगरेट तयार करपाक जाय आशिल्लें सामान आनी तीन मशीनां ह्या जाग्यार बसयल्लीं. गोल्ड फ्लेक कंपनीच्या नांवान दर दिसा १५ लाख रुपयांची सिगरेट हांगा तयार जातालीं. बॉक्स पॅकिंग करपाक लागपी सामानूय हांगा मेळ्ळें.
हे कारवायेंत पुलिसांनी वट्ट २ कोटी ३१ लाख ६० हजार रुपयांची तयार केल्ली सिगरेट, १५ लाख ८६ हजारांचे सिगरेट तयार करपाक लागपी सामान आनी २ कोटी ४७ लाखांचे मशिन्स पुलिसांनी जप्त केलें. ही कंपनी सुरू करपी मूळ सूत्रधार दक्षीण भारतांतलो आशिल्ल्याचें कळटा. तशेंच फार्महावसाच्या धनयाचो सोद पुलीस घेतात. हे प्रकरणांत कर्जत पुलीस स्टेशनांत भारतीय दंड संहितेच्या वेगवेगळ्या कलमा खाला गुन्यांव नोंद करुन फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
