महाराष्ट्रांतले जनतेचें महायुतीक आशिल्लें फटबळ कायम उरतलें: मुख्यमंत्री
भांगरभूंय | प्रतिनिधी
राजापुरांत प्रचार सभेंत मुख्यमंत्री डॉ. प्रमोद सावंत हांचें भाशण
पणजी : प्रधानमंत्री नरेंद्र मोदी हांच्या नेतृत्वाखाला महाराष्ट्रांतलें डबल इंजिन महायुती सरकार हें आपलीं उतरां पाळपी सरकार. महाराष्ट्रांतले जनतेचें महायुतीक आशिल्लें फटबळ कायम उरतलें, असो विस्वास मुख्यमंत्री डॉ. प्रमोद सावंत हांणी राजापूर – लांजा मतदारसंघांतल्या प्रचारांत उक्तायलो.
महाराष्ट्रांत विधानसभा वेंचणूक प्रचारान आतां नेट धरला. राजापूर – लांजा मतदारसंघांत महायुतीचे उमेदवार किरण सामंत हांची अर्ज भरपाची मिरवणूक काडली. ह्या वेळार गोंयचे मुख्यमंत्री डॉ. प्रमोद सावंत वांटेकार जाले. मुख्यमंत्र्यांनी ह्या वेळार भाशण केलें. महायुती सरकारान पायाभूत सुविधा, लाडकी बहीण सामाजीक सुरक्षा येवजण सुरू केल्या. जनतेचें फांटबळ महायुतीकूच आसा. राजापूर – लांजा मतदारसंघांत किरण सामंत हांकां जैतिवंत करा आनी महायुतीच्या जैतांत योगदान दियात, असो उजो मुख्यमंत्री डॉ. प्रमोद सावंत हांणी ह्या वेळार मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
