भांगरभूंय | प्रतिनिधी
पुणें, खबरां संस्था: पिंपरी- चिंचवड शारांतल्या भोसरी वाठारांत उदकाची टांकी कोसळिल्ल्यान तिगांक मरण आयलें. जाल्यार स ते सात कामगार गंभीर जखमी जाल्यात. तांकां हॉस्पिटलांत दाखल केल्यात. ही घडणूक आयज सकाळीं सुमार आठ वरांचेर घडली. हे विशीं खबर मेळटांच रोखडेच घडणुके सुवातेर उजो पालोवपी दळ, पिंपरी- चिंचवड पुलीस आयले.
सद्गुरु नगरांत लेबर कॅम्पांत रावपी मजुरां खातीर बारा फूट उंचायेची टांकी उबारिल्ली. आयज सकाळीं कांय कामगार टांकये सकयल न्हाताले. तेन्ना सकयल्या दर्जाचें काम जाल्ली ती टांकी कोसळ्ळी. तेन्ना जाग्यारूच तिगां कामगारांक मरण आयलें. जाल्यार स ते सात कामगार गंभीर जखमी जाल्यात. तांतल्या कांय जाणांची भलायकी हुस्को करपा सारकी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
