भांगरभूंय | प्रतिनिधी
नवी दिल्ली, खबरां संस्था : नॅशनल इन्शुरन्स कंपनी लिमिटेड म्हळ्यार NICL त ५०० पदां खातीर भरती जातली. उमेदवार Nationalinsurance.nic.co.in हे वेबसायटीक भेट दिवन ऑनलायन अर्ज करपाक शकतात. पयल्या टप्प्यांतली परिक्षा ३० नोव्हेंबर दिसा आनी फेज २ ची परिक्षा २८ डिसेंबर दिसा जातली.
शिक्षणीक पात्रताय: मान्यताय मेळिल्ले विद्यापीठांतल्यान खंयच्याय फाट्यांतली पदवी वा केंद्र सरकारा वरवीं मान्यताय मेळिल्ली खंयचीय समकक्ष पात्रताय. उमेदवारां कडेन १ ऑक्टोबर मेरेन पात्रताय परिक्षा पास जाल्ल्याचें प्रमाणपत्रूय आसप गरजेचें.
पिरायेची मर्यादा: उमेदवारांची पिराय २१ ते ३० वर्सां मजगतीं आसची. २ ऑक्टोबर १९९४ पयलीं आनी १ ऑक्टोबर २००३ उपरांत (दोनूय दिसांचो आसपाव) जल्मूंक नाशिल्ले उमेदवारूच ह्या पदां खातीर अर्ज करपाक शकतात.
शुल्क: अनुसूचित जाती/ अनुसूचित जमाती/ दिव्यांग/ माजी सैनिक: रु १००
हेर सगळे उमेदवार: म्हायती शुल्का सयत रु ८५०.
निवड प्रक्रिया: पूर्वपरीक्षा
मुखेल परीक्षा
प्रादेशीक भाशा परिक्षा
पगार : दर म्हयन्याक ३९ हजार रुपया. कंपनीच्या धोरणा प्रमाण हेर भत्तेय मेळटले.
अशे अर्ज करात: Nationalinsurance.nic.co.in हे अधिकृत वेबसायटीचेर वचात. होमपेजीच्या रिक्रूटमेंट टॅबार क्लिक करात. Apply लिंकार क्लिक करात. फी भरात. सगळीं गरजेचीं कागदपत्रां अपलोड करात आनी अर्ज सादर करात. फुडले गरजेच खातीर ताची एक प्रिंट काडात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
