भांगरभूंय | प्रतिनिधी
दिवाळी केन्ना हो प्रस्न दरवर्सा गोंयकारांक सतायता. खरें म्हणल्यार नरकासूर केन्ना हाचो चडश्यांक हुस्को आसता. अंदूं नरकासुराची मिरवणूक, सर्त बुधवार 30 ऑक्टोबराक रातची जातली. रातभर नरकासुर नाचोवन बिरेस्तार 31 ऑक्टोबराक फांतोडेर ताचें दहन करतले. तेच दीस दिवाळी. बिरेस्तारा सांजवेळा 3.53 क उमास सुरू जाता. पूण लक्ष्मीपूजन शुक्रार 1 नोव्हेंबराक मनयतले.
नरकासुराचे रातीं (30) रातभर जागरण करून दिवाळेक (31) दनपार मेरेन न्हिदपाची प्रथा जायत्या घरांनी पाळटात. तशें करीनासतना बुधवारा रातीं नरकासूर पळोवन न्हिदपाक वच्चें आनी 31 ऑक्टोबराक फांतोडेर उठून नरकासुर लासचो आनी सुर्य उदेंवचे पयलीं उटणें बी लावन अभ्यंगस्नान करचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
