भांगरभूंय | प्रतिनिधी
म्हापशें ः पर्वरे साल्वादोर दु मुंद हांगा बेकायदेशीर क्रिकेट बेटिंग उक्ताडार आयलां. हांतूत 5 जाणांक अटक करुन तांचे कडल्यान मोबायल, लॅपटॉप सयत 1.70 लाखांचो म्हाल जप्त केलो.
पर्वरेचे पुलीस निरिक्षक राहुल परब हांणी दिल्ले म्हायती प्रमाण, एका बंगल्यांत बेकायदेशीर क्रिकेट बेटिंग चालू आशिल्ल्याची म्हायती पुलिसांक मेळ्ळी. ते प्रमाण एक पंगड तयार केलो आनी काल सोमारा रातीं उसरां त्या बंगल्यार धाड घाली. ह्या वेळार थंय पांच जाण मेळ्ळे. अटक केल्ल्या मदीं रुचित कुमार (बिहार), प्रांजल भाटी (मध्य प्रदेश) निखिल कुमार (बिहार), कुणाल कुमार (मध्य प्रदेश) वंश शर्मा (कर्नाटक) ह्या पांच जाणांक अटक केल्या. तांचे कडल्यान मोबायल फोन, लॅपटॉप, वायफाय रावटर मेळून 1.70 लाखांचो म्हाल जप्त केला.
अधीक्षक विश्वेश कर्पे आनी निरिक्षक राहुल परब, हवालदार महादेव नायक, तुषार राऊत आनी नितेश गावडे हांणी ही कामगीरी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
