भांगरभूंय | प्रतिनिधी
केपें : गोंयांत अपघात जावप आनी तातूंत मरण येवप चालूच आसा. आयज सकाळीं केप्यां एके गाडयेन दुचाकीक धपको दिल्ल्यान दुचाकी चालक अब्दुल कादर बादशाह हाका मरण आयलें. जाल्यार सुफियान शेख ही गंभीर जखमी आसा.
हे विशीं मेळिल्ले चड म्हायती प्रमाण, हो अपघात घडले उपरांत ते स्कोडा गाडयेच्या चालकान घडणुके सुवातेर वेल्यान पळ काडलो. उपरांत गाडी सांपडली. थळाव्यांनी गाडयेंत पळयलें तेन्ना गांज्या वरीं थंय एक पदार्थ तांकां दिसलो. घुवळे वखदां खावन गाडी चलयिल्ल्यान हो अपघात घडिल्ल्याचो अदमास थळाव्यांनी उक्तायला. मजगतीं पुलिसांनी फॉरन्सीक पंगडा सयत घडणुके सुवातेर पावन पंचनामो केलो. तशेंच अपघाताक कारण थारिल्ली गाडीय जप्त केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
