भांगरभूंय | प्रतिनिधी
मुंबय, खबरां संस्था: विधानसभा वेंचणुकेचे फाटभूंयेर महाराष्ट्रांत राजकीय घडामोडींक वेग आयला. काल २० ऑक्टोबराक भाजपान आपल्या उमेदवारांची पयली वळेरी जाहीर केली. भाजपाचे पयले वळेरेंत वट्ट ९९ नांवां आसात. जाल्यार कॉंग्रेस गटाची एक व्हड बातमी सध्या मुखार आयल्या. मेळिल्ले म्हायती प्रमाण कॉंग्रेसीचीं वट्ट ५४ उमेदवारांचीं नांवां निश्चीत जाल्यांत. ताका लागून ह्या उमेदवारांची वळेरी फाल्यां ता. २२ ऑक्टोबराक जाहीर जावपाची शक्यताय आसा.
निश्चीत जाल्ल्या कांय कॉंग्रेस उमेदवारांची नांवां
नाना पटोले – साकोली, विरेंद्र जगताप- धामणगांव, यशोमती ठाकूर- तिवसा, विजय वडेट्टीवार- ब्रमपुरी, अमित झनक- रिसोड, नितीन राऊत- उत्तर नागपूर, विकास ठाकरे- पश्चिम नागपूर, रणजित कांबळे- देवळी (वर्धा), सुभाष धोटे- राजूरा ( चंद्रपूर), डॉ सुनील देशमुख – अमरावती शहर, बबलू देशमुख- अचलपूर अशीं कॉंग्रेसीच्या उमेदवारांचीं नांवां आसात.
भाजपाचे पयले वळेरेंतल्या ९९ जाणांचीं नांवां
कालूच भाजपान ९९ उमेदवारांची पयली उमेदवारांची वळेरी प्रसिद्ध केल्ली. ह्या उमेदवारांचे वळेरेंत उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, गिरीश महाजन, चंद्रकांत पाटील, मंगलप्रभात लोढा, राम कदम अशा मुखेल फुडार्यांचो आसपाव आसा.
मजगतीं, भाजपाची दुसरी उमेदवारी वळेरी केन्नाय जाहीर जावपाक शकता. हे उमेदवारी वळेरेचेर सगळे नदर दवरून आसात. ते प्रमाण भाजप १५८, शिंदे गट ८५ आनी अजितदादा गट ४५ सुवातांचेर लढपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
