भांगरभूंय | प्रतिनिधी
फोंडें, प्रतिनिधी ः वाघुर्में बोटीचेर काम करपी कामगार विकासकुमार चुतेलालकुमार (२३, उत्तर प्रदेश) हाका शॉक लागून मरण आयलें. ही घडणूक शुक्रारा सांजेवेळार घडली.
पुलिसांनी दिल्ले म्हायती प्रमाण वाघुर्मे न्हंयचेर बोट निवळ करपाचें काम शुक्रारा सांजवेळार सुरू आशिल्लें. त्या वेळार विकास कुमार हो कामगार सकयल देंवतना पडलो. त्या वेळार बोटींतल्या बल्बाक ताचो हात लागलो आनी शॉक लागली. आनी तो जथमी जालो. उपरांत ताका उपचारा खातीर जखमी अवस्थेंत बेतकी प्राथमीक भलायकी केंद्रांत व्हेलो. उपरांत ताका फुडले उपचारा खातीर जीएमसींत धाडलो. पूण उपचारा मजगतीं शुक्रारा रातीं ताका जीएमसींत मरण आयलें.
म्हाड्डोळ पुलीस स्टेशनाचे निरिक्षक योगेश सावंत हांच्या फुडारपणा खाला हे घडणुकेचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
