भांगरभूंय | प्रतिनिधी
दिवचल, प्रतिनिधी : कुळण-सर्वण, दिवचलच्या श्री योगेश्वरी देवळाच्या सभा मंडप वाठारांत शॉक लागून वैभव भिडे (२५ ) ह्या झोळंबे हांगच्या तरणाट्याक मरण आयलें. ही घडणूक बिरेस्तारा सांजेवेळार सुमार साडे सात वरांचेर घडली.
हांगा वैभव हो कितें तरी दुरुस्तीचें काम करतालो. तेन्ना थंय आशिल्ल्या लायटीच्या सरयांक तो तेंकलो आनी पडलो. थंय आशिल्ल्या लोकांनी ताका रोखडोच दिवचलच्या भलायकी केंद्रांत व्हेलो. तेन्ना थंयच्या दोतोरांनी ताका मरण आयिल्ल्याचें सांगलें.
पौर्णिमे निमतान देवळांत देविचो पालखी उत्सव सुरू आशिल्लो. वैभव भिडे हो ह्या देवळांत कार्यालयीन काम करतालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.