भांगरभूंय | प्रतिनिधी
म्हायती दिवंक नाशिल्ल्यांक 1 ते 10 हजारां मेरेन दंड
पणजी, प्रतिनिधी : बिराडकार तपासणी मोहिमे खाला पुलीस आतां अचकीत घरांची तपासणी करतले. जर कोणें बिराडकाराची म्हायती पुलिसांक पयलीं दिवंक नाशिल्ली, जाल्यार ताका 1 ते 10 हजार रूपया मेरेन दंड जातलो. बिराडकार तपासणी कायद्याची खर कार्यवाही जातली, अशें मुख्यमंत्री डॉ. प्रमोद सावंत हांणी सांगलें.
चोरयो तशेंच गुन्यांवकारी घडणुकांक आळाबंद घालपाक सरकाराच्यो उपाय येवजण्यो चालू आसा. गुन्यांवकारी घडणुकांचो तपास करपाचें गोंयांतलें प्रमाण सगळ्यांत चड म्हणजे 95 टक्के आसा. बिराडकारांची म्हायती दिवपी अर्ज भरून दिवपाची मुजत सोंपल्या. दरेकल्यान म्हायती पुलिसांक दिवपाक जाय. पुलीस आता घरांक अचकीत भेट दिवन तपासणी मोहीम सुरू करतले, अशें डाॅ. सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
