भांगरभूंय | प्रतिनिधी
मुंबय, खबरां संस्था: मुंबयच्या अंधेरी उपनगरांतल्यान एक भिरांकूळ खबर मुखार आयल्या. अंधेरीच्या अस्तंतेक लोखंडवाला वाठारांत आशिल्ले रिया पॅलेस इमारतींत व्हड उजो लागलो. मेळिल्ले म्हायती प्रमाण, आयज १६ ऑक्टोबराक सकाळीं सुमार ७:३० वरांचे सुमाराक इमारतीचे धावे माळयेवेल्या एका घरांत हो उजो लागलो. एका खिणाक ह्या उज्यान नेट घेतलो. हाका लागून ह्या घरांत आशिल्ले दोग जाण्टे नागरीक आनी घरांतल्या नोकराक ह्या उज्यात हुलपून मरण आयलें.
ह्या उज्याची म्हायती मेळटांच उजो पालोवपी दळाच्यो पांच गाडयो घडणुके सुवातेर आयल्यो. एका वरान तांकां ह्या उज्याचेर नियंत्रण मेळोवपाक येस आयलें. चंद्रकांत सोनी (७६), कांता सोनी (७१) आनी नोकर रवी (३३) अशीं नांवां ह्या उज्यांत हुलपूण मरण आयिल्ल्यांचीं आसात.
सध्या हांगा फायर कुलींगचे काम उजो पालोवपी दळाचे जवान करतात. मात हो उजो नेमको कित्याक लागून लागलो हें आजूनय स्पश्ट जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
