भांगरभूंय | प्रतिनिधी
८ नोव्हेंबर प्रवेशिका सादर करपाची निमाणी तारीख
फोंडें, प्रतिनिधी: राजीव गांधी कला मंदीर, फोंडे वतीन आयोजीत (स. किशोरीताई हळदणकर स्मृती प्रित्यर्थ) धावी अखील गोंय बायलां संगीत नाट्य सर्त २५ डिसेंबर २०२४ ते १४ जानेवारी २०२५ मेरेन आयोजीत केल्या. पयल्यो येवपी १५ संस्थांक हे सर्तींत प्रवेश मेळटलो. इत्सूक संस्थानी ८ नोव्हेंबर मेरेन प्रवेशिका सादर करपाचो उलो वांगडी सचीव स्वाती दळवी हांणी मारला. हे पत्रकार परीशदेंत सुनील केरकार, श्रीकांत गावडे, दिपक नायक आनी प्रमोद गांवकार हाजीर आशिल्ले.
हे सर्तींत उत्कृश्ट नाट्य प्रयोगा खातीर पयलें इनाम रु. ६०,०००, दुसरें रू. ५०,००० आनी तिसरें रु. ४०, ०००, जाल्यार पयलें उमेद वाडोवपी इनाम रु. २५,०००, दुसरें रु. २०,०००, तिसरें रु. १५,००० भेटयतले. तशेंच व्ययक्तीक इनामांय भेटयतले. प्रवासखर्च म्हणून दरेके संस्थेक रू.१०,००० दितले. इनामां फावो जावंक नाशिल्ल्या दरेके संस्थेक रु. ५,००० भेटयतले. सर्तीच्यो प्रवेशिका राजीव गांधी कला मंदिर – फोंडें, कार्यालयांत मेळटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
