भांगरभूंय | प्रतिनिधी
बंगळुरू, खबरां संस्था: भारतीय अंतराळ संशोधन संस्था म्हळ्यार इस्रो संवसारांतलो सगळ्यांत व्हडलो प्रयोग करतलें. इस्रो मळबांत स्पेसक्राफ्टाचे भाग जोडटलें. भारतीय तंत्रज्ञान पळोवन संवसार अजापीत जातलो, अशी ही मोहीम जावन आसा. बेगीनूच SPADEX (Space Docking Experiment) मिशन लॉंच करतले. ह्या मिशना खाला हो प्रयोग करतले अशी घोशणा इस्रोचे मुखेली डॉ. एस. सोमनाथ हांणी केली.
चांद्रयान ३ मोहीम येसस्वी जाले उपरांत आतां इस्रोच्या पंगडान मिशन चांद्रयान ४ ची तयारी सुरु केल्या. चांद्रयान ३ परस चांद्रयान ४ ही मोहीम पुराय वेगळी आसतली. चांद्रयान ४ स्पेसक्राफ्टाचे भाग हे सरळ अंतराळांत जोडटले.
डॉ. सोमनाथ हांणी मिशन चांद्रयान ४ विशीं म्हायती दिली. चांद्रयान ४ इस्रो पयलेच फावट असो प्रयोग करतलें जो संवसारभर केन्ना जावंक ना अशें तांणी सांगलें. चांद्रयान ३ प्रमाण चांद्रयान ४ हे एकाच वेळान प्रक्षेपीत करतले. चांद्रयान ४ हे दोन फावटी लाँचिंग जातलें. दोन फावटीं वेगवेगळे भाग अंतराळांत सोडटले. ते वयर वा लँडिंगावेळार चंद्राचेरूच एकामेकांक जोडटले. संवसारांत पयलेच फावट मून मिशना खातीर अशे तरेच्या तंत्रज्ञाचो वापर करतात. तें वापरपी भारत हो पयलोच देश जावन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
