भांगरभूंय | प्रतिनिधी
नवी दिल्ली, खबरां संस्था ः दिल्लींत प्रदुशणाची समस्या नेटान वाडत आसा. हाका लागून जायत्या नागरिकांक स्वास घेवपाचे तशें हेर भलायकेचे त्रास जातात. देखून दिल्ली सरकारान आतां म्हत्वाचो निर्णय घेतला. 1 जानेवारी 2025 मेरेन माराणांचेर पुरायपणान बंदी घालपाचो आदेश दिल्ली सरकारान दिला. सगळ्या तरांचो फोग मारप, तांचें उत्पादन आनी विक्रीचेर बंदी आसतली.
दसऱ्या उपरांत राजधानींतल्या हवेचो दर्जो सरासरी परस सकयल देंविल्लो. देखून दिल्ली प्रदुशण नियंत्रण समितीच्या आदेशा प्रमाण आयज सावन 1 जानेवारी 2025 मेरेन दिल्ली वाठारांतल्या फोगाचें उत्पादन, विक्री, सांठवण, ऑनलायन प्लॅटफॉर्मांतल्यान वितरण करप आनी फोग मारप हाचेर बंदी घाल्या. माराणांचेर पुराय बंदी घालपाचे निर्देश चालीक लावपा खातीर पुलीस आयुक्ताक हे संबंदी सुचोवण्यो दिल्यात. मजगतीं, मंत्री गोपाल राय हांणी नागरिकांक सहकार करपाचो उलो मारला.
मजगतीं कांय दिसांनी दिवाळी येता. अशा वेळार दिल्लींत सगल्या तरांच्या फोगाचेर बंदी घाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
