भांगरभूंय | प्रतिनिधी
ह्या वसारांत कोण कोणाचो नासता. आयच्या या कलियुगांत तर दुसऱ्याक चिड्डून मनीस आपुण व्हड जाता. पुण करणी करता तशें फळ ताका मेळटाच. कृष्ण- राधा ही मोगाची सुरवात आसतली. रोमिओ – ज्युलियट, हिर- रांझा, लैला – मजनू आनी हेर मोगा काणयो वाचल्यात. जायत्या हिंदी सिनेमांनी मोगा काणयो आसतातूच. आशिकी, साजन अशीं नांवां दोळ्यां सामकार येतात.
मनीस घर चलोवंक, दोन वेळाच्या जेवणा खातीर विंगड विंगड कामां करता. दरेकलो मनीस कसो आसता हे दुसर्याक खबर आसना. कारण दर मनीस वेगळी जीण जगत आसता. चडश्यावेळार सोळाव्या वर्सा मोग जाता म्हणटात. काॅलेजींत तर मोग म्हळ्यार काॅलेज कॅम्पसान एक गाॅसीप कशें. चली -चल्याचें नांव घेवन चाळोवप, मोगा चिटयांची अदलाबदल. सांगांतान सिनेमा /दर्यावेळेर वचप अशें चित्र आतां कमी जालां. पुण संवसारान मोग कमी जालो ना. गिरेस्त चली आसल्यार मोग्याक मार पडटा. मात मोग जात धर्म, गिरेस्त – गरीब पळयना. एकादी चली लग्न जाल्या दादल्याच्या मोगान पडटा. तेन्ना मात मोगाचेर दाग लागता. असले प्रकार समाजात सर्रास पळोवपाक मेळटात. एकेच चलयेचेर जायते जाण मोग करता आसत तर मात व्हड गडबड जाता.
चलयेचेर सगल्यांच चड मोग बापूय करता. मोगी आसता तो मोग आपल्याक मेळचो म्हूण दिसरात एक करता. म्हूण खरो मोग करप्याक केन्ना सोडचो न्हय तर ताका जिणभर सांगात दिवचो. कारण मोगाचो सांगात ही जगांतली व्हड शक्त. कसलीय अडचण येवं सांगात सोडपाक जायना. सांगातान सारिल्ले खीण ही एक जोड आसता. तातूंत म्हजें, तुजें अशें व्हडपण नासता. हे खीण जाका मेळ्ळे तो भाग्यवान.
हातांत हात घालून दर्यावेळेर येवपी ल्हारां पळोवन मोगाचीं गितां गायतना तान- भूक लागना. मोगी, मोगीका दिश्टी पडली ना जाल्यार अस्वस्थताय वाडटा. अन्न गोड लागना. मोग मनशाची जीण बदलपाक शकता. पूण मोगी वा मोगिका एकमेकांक सोडून वता तेन्ना तांची जीण इबाडटा. म्हूण कोण खरो मोग करता जाल्यार ताचें काळीज दुखोवं नाकात. जिणेंत सगलें मेळत पूण खरो मोग मेळप कुस्तार. कारण खरो मोगी स्वता खातीर न्हय तर तुमचे खातीर, मोगा खातीर जगता.
-अजय जल्मी
९२०९१४२३३९
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
