भांगरभूंय | प्रतिनिधी
मेहसाणा, खबरां संस्था: गुजरातांतल्या मेहसाणा जिल्ह्यांत एके कंपनीक जमनी पोंदची टांकी बसोवपा खातीर जमीन खणटना कामगारांचेर वयली माती अचकीत कोसळिल्ल्यान ७ कामगारांक मरण आयलां. हे घडणुकेक लागून मेहसाणा जिल्ह्यांत दुख्खाचें ल्हार पातळ्ळां. हे घडणुके उपरांत जिल्लो प्रशासनाक रोखडीच म्हायती दिली. ते उपरांत थळाव्या प्रशासनान थंय धांवून वचून मदत कार्याक सुरवात केली. पूण तेन्ना मेरेन हे ७ कामगार मातयेचे राशींत आडकून तांकां मरण आयलें.
मेहसाणच्या जसलपूर लागसारच्या एका गांवांत हे सात मजूर एके कंपनीची जमनी पोंदाक टांकी घालपा खातीर खणटाले. काम पुराय जावपाक लायिल्लें. मात शेनवारा खणकाम चालू आसतना अचकीत वयली माती भितरल्यान कोसळ्ळी. थंय आशिल्ले कामगार ते मातये पोंदाक पडले आनी ७ कामगारांक मरण आयलें. थळाव्या प्रशासनाक हे घडणुकेची म्हायती मेळटाच प्रशासनाचे अधिकारी थंय धांवून गेले आनी रोखडीच मदत कार्याक सुरवात केली. पूण मजूरांक वाटावपाक मेळूंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
