भांगरभूंय | प्रतिनिधी
कैथल, खबरां संस्था ः हरियाणाच्या कैथलांतल्या मुंद्री कानालांत आल्टो मोटार पडली. ह्या अपघातांत 3 भुरग्यां सयत एकाच कुटुंबांतल्या 8 जाणांक मरण आयलें. हें कुटुंब शेनवारा सकाळीं मोटारींतल्यान देवळात दर्शना खातीर वताले. ते वेळार मुंद्री पावतकच तांची गाडी नियंत्रणा भायर गेली आनी कानालांत बुडली.
मेळिल्ले म्हायती प्रमाण, मोटार कानालांत पडटाना थळाव्या लोकांनी पळयलें आनी मजतीक धांवले. उपरांत मोटार भायर काडली. सगळ्यांक हॉस्पिटलांत व्हेले पूण दोतोरांनी तांकां मरण आयिल्ल्याचें सांगलें. मरण आयिल्ल्या 8 मदल्या सात जाणांच्यो कुडी मेळ्ळ्यात. जाल्यार एके चलयेचो सोद सुरु आसा. मोटार चालक जखमी जालां आनी कुंडली हॉस्पिटलांत ताचेर उपचार सुरु आसात.
हें कुटुंब कैथलांतल्या दीग गांवांचे. शेनवारा साकळीं सुमार 8.30 वरांचेर हें कुटुंब देवाच्या दर्शना खातीर कैथलाच्या गुहाना गावांतल्या गुरु रविदास देवळांत वताले. तेन्ना हो अपघात जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
