भांगरभूंय | प्रतिनिधी
मुंबय, खबरां संस्था: उद्देगपती रतन टाटा हांकां मरण आयलें. बिरेस्तारा तांचे कुडीचेर निमणे संस्कार जाले. टाटा हांचें अशें अचकीत वचप सगळ्या खातीर धक्को दिवपी आशिल्लें. ते सुण्यांचेर खूब मोग करताले. तांचे लागींचो सुणो ’गोवा’ हाचे खातीरूय हो खीण सामको कठीण आशिल्लो.
‘गोवा’ न दिली निमाणी भेट
मुंबईत एनसीपीए लॉनच्या भायर टाटा हांची कूड निमण्या संस्कारा खातीर दवरिल्ली. ह्या वेळार व्हडा संख्येन टाटा हांकां श्रद्धांजली दिवपाक लोक एकठांय जाल्ले. मजगतीं, टाटा हांचो सुणो ‘गोवा’क थंय हाडलो. टाटा हांचे कुडी कुशीक बसून ‘गोवा’न तांचें निमाणें दर्शन घेतलें. तो थंयच्यान हालपाक तयार नाशिल्लो. गोवा आपल्या धनया कडेन पळयतूच आशिल्लो. ‘गोवा’ न रतन टाटा हांच्या मरणा उपरांत जेवण सोडिल्ल्याचें सांगतात. गोवाक आपल्या धनयाचें अचकीत वचप सोसूंक जावंक ना.
रतन टाटा हांकां सुण्यांची खूब आवड आशिल्ली. टाटांनी एकदां ‘बॉम्बे हावज’च्या भायर पावसा पसून वाचपा खातीर धडपडपी एक रस्ताद सुण्याक पळयलो. उपरांत तांणी थंय सुण्यांच्या प्रवेशा खातीर विशेश सुचवण्यो केल्यो.
सुण्याक ‘गोवा’ नांव कशें पडलें?
रतन टाटां खातीर ‘गोवा’ हो फकत पोशिल्लो सुणो नाशिल्लो. टाटा समूहाचें कॉर्पोरेट मुख्यालय आशिल्ल्या बॉम्बे हावसांत ताका ‘ऑफिस फेलो’ म्हूण मान आशिल्लो. टाटा गोयांत आयिल्ले तेन्ना हो सुण्यांचो पेटो तांचे फाटल्यान येवपा लागला. तांणी सुरक्षा रक्षकांक सांगून ह्या हेडग्या सुण्यांक मुंबय व्हेलो. गोंयच्यान हाडला म्हूण ताका गोवा हें नांव दवरलें. फाटल्या इकरा वर्सां सावन ‘गोवा’ तांचो सगळ्यांत लागींचो सुणो आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
