भांगरभूंय | प्रतिनिधी
5 प्रभागां खातीर 20 ऑक्टोबराक जातली वेंचणूक
भांगरभूंय । प्रतिनिधी
पणजी : हरवळे पंचायतीच्या 5 प्रभागां खातीर 17 उमेदवारांचे अर्ज तपासणी उपरांत ग्राह्य थारल्या. अर्ज फांटी घेवपा खातीर फाल्या दनपार मेरेन मुजत आशिल्ल्यान फाल्याच चित्र स्पश्ट जातलें. 5 प्रभागां खातीर 20 ऑक्टोबराक वेंचणूक जातली.
अर्ज ग्राह्य थारिल्ले उमेदवार अशें :
प्रभाग 1 : देमगो मळीक, गीतेश मळीक, प्रभाग 2 : अजय मळीक, अक्षता मळीक, गौरेश मळीक, राजू फटको मळीक, राजू सीताराम मळीक, शिवराम मळीक, प्रभाग 3 : महेश दिवकार, ममता दिवकार, प्रिया हरवळकार, स्नेहा देसाय, प्रभाग 4 (बायलां खातीर राखीव) : गौरवी नायक, सुकन्या पाटील, प्रभाग 5 (बायलां खातीर राखीव) : अस्मीता मळीक, राखी सडेकार, शर्मिला मळीक
हरवळे पंचायतीचो कार्यकाळ 18 ऑगस्ट 2024 हे दिसा सोपिल्ल्यान पंचायतीचेर प्रशासकाची नेमणूक जाल्या. हरवळेच्या पाच प्रभागां मदीं 2091 मतदार आसात. 1 ऑक्टोबर ते 9 ऑक्टोबर मेरेन सकाळी 10 ते दनपार 1 मेरेन उमेदवारी अर्ज भरपाची मुजत आशिल्ली. फाल्या 11 ऑक्टोबराक दनपारा 2 मेरेन उमेदवारी अर्ज फांटी घेवपाची मुजत आसा. 20 ऑक्टोबराक मतदान जाले उपरांंत 21 ऑक्टोबराक मतमेजणी जातली.
साश्ट म्हालातल्या ओर्ली पंचायतीच्या प्रभाग 7 आनी केपे म्हालातल्या मोरपिर्ला पंचायतीच्या प्रभाग 6 खातीर 20 ऑक्टोबराकूच पोटवेंचणूक जातली. ओर्ली पंचायतीच्या प्रभाग 7 खातीर दोगांचे अर्ज ग्राह्य थारल्या. मेलीनी पिमेंता आनी निफा पेमेंता ह्यो उमेदवार आसा. मोरपिर्ला पंचायतीच्या प्रभाग 6 खातीर 3 उमेदवारी अर्ज ग्राह्य थारल्या. हो प्रभाग एसटी खातीर राखीव आसा. पायक कुयरो वेळीप, सोनु वेळीप आनी तुळशीदास वेळीप हांचे अर्ज ग्राह्य थारल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
