भांगरभूंय | प्रतिनिधी
मुंबय, खबरां संस्था: लोकां कडल्यान वाडपी स्वीकृती आनी पर्यायान वाडपी वेव्हार हे युनिफायड पेमेंट इंटरफेस म्हळ्यार ‘यूपीआय’ प्रणालीची लोकप्रियता निश्चीत आसा. देयक वेव्हारांक अदीक सहज, सुलभ करपी यूपीआय वॉलेटच्या वेव्हार मर्यादेंत वाड करपाचो निर्णय रिझर्व्ह बँकेच्या पतधोरणांत घेतलो.
यूपीआय लाइट वॉलेट मर्यादा ५ हजार रुपया जाल्यार दर वेव्हारा खातीर मर्यादा १ हजार रुपया मेरेन वाडयतले अशें बँकेची गव्हर्नर शक्तिकांत दास हांणी जाहीर केलें. ‘यूपीआय १२३ पे’ ही दर वेव्हाराची मर्यादा सद्याच्या ५ हजार रुपयां वयल्यान १० हजार रुपया मेरेन वाडयल्या.‘णझख१२३झरू’ २०२२ वर्सा सुरू जाल्ली (पान ८ चेर) (पान १ वयल्यान) आनी आतां १२ भाशांनी उपलब्ध आसा. स्मार्ट फोन वापरप्यांक डिजिटल वेव्हारांचे माचयेर वेव्हार करप ‘यूपीआय १२३ पे’ लागून शक्य जालां. हाका लागून अर्थवेवस्थेंत अर्थीक आसपाव व्हडा प्रमाणांत चालीक लागला. आनीक एका गिरायकाक फायदो आशिल्ल्या उपक्रमांत, दास हांणी रिअल टायम ग्रॉस सेटलमेंट सिस्टम (आरटीजीएस) आनी नॅशनल इलेक्ट्रॉनीक फंड ट्रान्सफर (एनईएफटी) प्रणालींत लाव मेळिल्ल्या खातेदारांचें नांव जाणून घेवपाची सुविधाय जाहीर केली.
‘यूपीआय’ आनी ‘आयएमपीएस’ सारकिल्ल्या फारीकणी पद्दतींनी आंतर बँक खातें वेव्हार पुराय करचे पयलीं पयशे ज्या व्यक्तीक हस्तांतरीत करपाचे आसात ताचें नांव जाणून घेवपाची सुविधा दितात. म्हळ्यार आरटीजीएस वा एनईएफटी वरवीं पयशे हस्तांतरीत करचे पयलीं लावार्थ्यांचें नांव कळटले म्हणून पयशे धाडपी नांवाची खातरजमा करून पयशे हस्तांतरित करपाक शकतलो. हाका लागून चुकीचे आनी सुरक्षीत नाशिल्ल्या वेव्हारांक आळो बसतलो.
नागरी बँकां खातीर म्हत्वाचो निर्णय
देशांतल्या नागरी सहकारी बँकां खातीर म्हत्वाचो आशिल्ल्या भांडवल एकठांय करपाचे पर्यायी मार्ग उक्ते करपाच्या प्रस्नाची दखल रिझर्व्ह बँकेन घेतल्या आनी हातूंत बेगीनूच संबंदीत दस्तावेज जारी करतले अशें दास हांणी सांगलें. इक्विटी आनी बॉण्ड वितरण आनी संबंदीत नेमां विशीं केंद्रीय बँकेन २०२२ वर्सा चालीक लायिल्ल्या मार्गदर्शक तत्वांचो उल्लेख करून तांणी सांगलें कीं, ह्या बँकांनी वेवसाय वाडपा खातीर जाय आशिल्लें भांडवल फावो तितलें आसपाक जाय आनी वाडीचो एक भाग म्हूण चड लवचीक पर्याय आसपाक जाय.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
