भांगरभूंय | प्रतिनिधी
उक्तावणा निमतान आकर्शक इनामां मेळपाची भांगराळी संद
बेळगांव: 1827 वर्सा सावन परंपरा, शुध्दताय, विस्वास, पारदर्शकताय आनी नवनिर्माण ह्या पांच सुत्रांचेर आदारून विस्वास मेळयिल्ल्या चंदुकाका सराफ ज्वेल्सच्या भांगरा शोरुमाचें हनुमान देवळा मुखार, खडे बाजार, बेळगांव हांगा उक्तावण जालें.
आमदार अभय पाटील, आमदार राजू शेठ, आदले आमदार संजय पाटील, बेळगांवचे उपनगराध्यक्ष आनंद चव्हाण, नामनेचे दोतोर आनी उद्देजक डॉ. रमेश आनी सावित्री दोड्डण्णावर आनी चंदुकाका सराफ ज्वेल्सचे संचालक अतुल जिनदत्त शाह, संगीता अतुल शाह, आदित्य अतुल शाह, सिद्धार्थ अतुल शाह, साहस बागी आनी हेर मानेस्तांचे हाजेरींत हो उक्तावण सुवाळो जालो.
उक्तावणा निमतान चंदुकाका सराफ ज्वेल्सन जायत्यो आकर्शक ऑफरी जाहीर करून बेळगांवच्या रहिवाशांनी ताचो लाव घेवचो अशें आवाहन केलां. 9 ऑक्टोबर ते 11 ऑक्टोबर मेरेन उक्तावणा निमतान पयल्या 15,000 गिरायकांक फुडल्या भांगरा वस्तींची खरेदी करतना जायतीं इनामां मेळपाची भांगराळी संद आसा. हातूंत 6 लॅपटॉप, 3 स्कुटर, 6 मोबायल आनी हेर इनामांचोआस्पाव आसा. रु 3000 सावन फुडें येवजणेंत गुंतवणूक केल्यार गॅरंटीन भेटवस्तू मेळटल्यो अशें अतुल शाह हांणी सांगलें.
ह्या निमतान उलयतना आमदार अभय पाटील हांणी म्हणलें, शेतकी, पर्यटन आनी उद्देगधंद्याचें म्हत्वाचें केंद्र आशिल्ल्या बेळगांव शारांत चंदुकाका सराफ ज्वेल्सचो गोल्डन हॉल उक्तो जाला. तांकां आधुनीकता, इतिहासीक, सांस्कृतीक, सहकारी आनी धर्मीक दायज आसा, ताचे खातीर बेळगांवच्या लोकांक एक उत्कृश्ट पर्याय मेळ्ळा अशें तांणी म्हणलें.
ह्या वेळार उलयतना चंदुकाका सराफ ज्वेल्साचे संचालक अतुल शाह हांणी सांगलें की, गिरेस्त आनी सुजलाम-सुफालाम शार बेळगांवांत पदार्पण करपाक आमी खोशी आसात आनी आतां आमी बेळगांवची सोबीतकाय वाडयतले. चंदुकाका सराफ ज्वेल्स कंपनीक आतां बेळगांव आनी गोंयच्या लोकांक भांगराचे सगल्यांत बरे आनी अभिनव पर्याय मेळटले.
संचालक सिद्धार्थ शाह हांणी बेळगांवच्या सगल्या रहिवाशांनी उक्तावण सुवाळ्या निमतान सुरू आशिल्ल्या येवजण्यांचो लाव घेवचो अशें आवाहन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
