भांगरभूंय | प्रतिनिधी
रमेश तवडकार: कोळंब- रिवणां कला संगम कार्यावळीचो समारोप
केपें: आमची संस्कृताय ही खूब मोटी आसा. तिचो सांबाळ करप गरजेचें आसा. आमची संस्कृताय तरणाटे पिळगे मेरेन पावोवपाचें कार्य संस्थांनी करचें. संस्कृताय तिगत जाल्यारूच आमचें अस्तित्व तिगतलें अशें सभापती रमेश तवडकार हांणी सांगलें.
कोळंब- रिवणां भुमिपुत्रा विकास मंचान आयोजीत केल्ल्या कला संगम ह्या कार्यावळीच्या समारोप सुवाळ्यांत ते मुखेल सोयरे म्हूण उलयताले.
ह्या वेळार माचयेर अलका फळदेसाय, सगूण वेळीप, सुरेश केपेकार, नारायण वेळीप, अंकूश गांवकार, सुर्या गांवकार, दिपेश गांवकार, अच्यूत गांवकार, तुकाराम वेळीप, रविकांत वेळीप, आनंद गांवकार, रमाकांत गांवकार, दिलीप गांवकार, लक्ष्मीकांत आमोलकार, प्रतील वेळीप आनी हेर मानेस्त हाजीर आशिल्ले.
आयच्या आधुनीक काळांत आमचे संस्कृतायेचो सांबाळ करप ही काळाची गरज आसा. हातूंत चडांत चड तरणाट्यांनी स्विकार करचो आनी हे खातीर संस्थांनी फुडाकार घेवचो. खंयचेंय कार्य येसस्वी करपाचें आसत जाल्यार एकवट म्हत्वाचो आसा, आनी तो जर आसत जाल्यारूच येस मेळटा अशें रमेश तवडकार हांणी मुखार उलयतना सांगलें.
ह्या वेळार जैतिवंत पंगडाक रमेश तवडकार हांचे हस्तुकीं इनामां भेटयलीं. सर्तींतले जैतिवंत अशे-
घुमट आरती सर्त: श्रीकृपेश्वर माधवनाथ आरती मंडळ पयलें, श्रीशांतादुर्गा आरती मंडळ दुसरें, श्रीकृष्ण आरती मंडळ तिसरें.
श्रीअग्नीकुळ आरती मंडळ आनी श्रीमहालक्ष्मी आरती मंडळ हांकां उमेद वाडोवपी इनामां फावो जालीं.
उत्कृश्ट गायन आनी उत्कृश्ट घुमट: श्रीकृपेश्वर माधवनाथ आरती मंडळ हांकां इनाम फावो जालें.
उत्कृश्ट शमेळ आनी कांसाळें: श्रीशांतादुर्गा आरती मंडळ हांकां इनाम फावो जालें.
जाल्यार फुगडी सर्तींत श्रीकामाक्षी फुगडी ग्रूप केरी- रिवण पयलें, राखणदेव फुगडी मंडळ- विचुंद्रें दुसरें, श्रीचंद्रेश्वर महिला मंडळ विचुंद्रें हांकां तिसरें इनाम फावो जालें
नवदुर्गा स्लेफ हेल्प ग्रूप केवण, सांतेरी महिला मंडळ केरी-रिवण हांकां उमेद वाडोवपी इनामां फावो जालीं.
ह्या वेळार वाठारांतल्या गुणेस्त विद्यार्थ्यांचो भोवमान केलो. तशेंच निवृत्त शिक्षक पायक वेळीप आनी मुख्याध्यापिका अलका फळदेसाय हांचो सभापती रमेश तवडकार हांचे हस्तुकीं भोवमान केलो.
कार्यावळीचें उक्तावण अंकूश गांवकार हांचे हस्तुकीं जालें. ह्या वेळार सगूण वेळीप, आनंद वेळीप आनी हेर मानेस्त हाजीर आशिल्ले. सुत्रसंचालन सोमनाथ गांवकार आनी अंकूश गांवकार हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.