अंतरळांतल्यान धर्तरेचेर कोसळ्ळी वस्तू: भारताचो संबंद
भांगरभूंय | प्रतिनिधी
बंगळुरू, खबरां संस्था: चांद्रयान मिशन, मिशन आदित्य एल १ आनी हेर जायत्या अशा मिशनांक लागून इस्रोक संवसारांत शाबासकी मेळ्ळ्या. भारतीय अंतरिक्ष संशोधन संघटनेन आतां मेरेन जायते म्हत्वाचे मिशन साध्य केल्यात. इस्रोचे एके मोहिमेचें चक्र पुराय जाल्ल्याचें आतां म्हणटात. कारण थारलां तें म्हळ्यार, अंतराळांतल्यान धर्तरेचेर पडिल्ली एक वस्तू.
USSPCECOM² रॉकेटाच्या ह्या भागाक ट्रॅक करतालें. इस्रोच्याच म्हायती प्रमाण रॉकेटाचो हो भाग ४७० द ४७४ किमी आकाराच्या एका तांतया कृती दिकेन भोंवता, ल्हव ल्हव गुरूत्वाकर्शणाक लागून पृथ्वीच्या दिकेन सकयल येतालो. हाचो एक आलेखूय जारी केलो. रॉकेटाचो होच भाग निमाणो ६ ऑक्टोबर २०२४ दिसा सुमार ७ ते ८ वर्सां उपरांत धर्तरेचेर कोसळ्ळो. धर्तरेच्या वातावरणांत प्रवेश करीत हो भाग अटलांटीक म्हासागरांत कोसळ्ळो.
फाटीं वळून पळयतना…
१५ फेब्रुवारी २०१७ वर्सा इस्रोन सतीश धवन स्पेस सेटरांन पयलेच फावट १०४ सॅटेलायट वांगडाच लॉंच केल्ले. ह्या वेळार ही प्रक्रिया PSLV-C37 ह्या रॉकेटा वरवीं केल्ली. अवकाशांत उपग्रहांक अपेक्षीत थळार सोडले उपरांत PS4 थंयच भोंवताडे मारतालें.
इस्रोनूय लक्ष दवरिल्लें
इस्रोच्या सेफ अँड सस्टेनेबल स्पेस ऑपरेशन्स मॅनेजमेंटान सप्टेंबर म्हयन्यां सावन ह्या रॉकेटाचेर नदर दवरिल्ली. तें धर्तरेर कोसळपाचो वेळ, ताका लागून जावपी लुकसाण आनी हेर गजालीं पसून वाटावपाक जायते म्हत्वाचे निर्णय घेतिल्ले. इस्रोचे हेच मोहिमेचो भाग आशिल्लो कार्टोसॅट भारतीय लश्कराचे मजती खातीर आशिल्ल्याचेंय सांगतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
