भौशीक सेवा वाहनांनी वाहन लोकेशन ट्रॅकिंग उपकरण बसोवपाचो आदेश
भांगरभूंय | प्रतिनिधी
पणजी ः येरादारी संचालनालयान सगल्या भौशीक सेवा वाहनांक वाहनाचे लोकेशन ट्रॅकिंग करपी उपकरण आनी एक वा चड एमर्जन्सी बटन बसोवपाचो आदेश दिला. भौशीक सेवा वाहनांचे धनी वा ऑपरेटर खंयच्याय विक्रेत्याकडल्यान वाहन लोकेशन ट्रॅकिंग उपकरण आनी एमर्जन्सी बटन खरेदी करपाक शकता. पूण उपकरण आनी बटन एआयएस-140 दर्जाचे आसपाक जाय.
वाहन लोकेशन ट्रॅकिंग उपकरण उत्पादक वा ओईएम विक्रेत्यांनी भौशीक सेवा वाहनांनी उपकरण बसोवन वाहन पोर्टलाचेर वाहनाच्या नंबरा सयत उपकरणाची म्हायती अपडेट करची.
उपकरण आनी बटन बसोवपाक आनी दुरूस्त करपाक 30 नोव्हेंबर 2024 मेरेन वेळ दिल्लो आसा आनी उपरांत फिटनेस तपासणीच्या वेळार उपकरण आनी बटनांची तपासणी करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
