भांगरभूंय | प्रतिनिधी
पणजी: मुख्यमंत्री डॉ. प्रमोद सावंत पयलींच थारिल्ले कार्यावळी निमतान सोमारा सांजवेळा दिल्लीक गेल्यात. थंय सावन ते उत्तराखंडांत वतले. मुख्यमंत्र्याची ही खाजगी भोंवडी आशिल्ल्याची म्हायती गोपांनी दिली.
फाटल्या कांय दिसांत गोंयांत घडिल्ल्या राजकी घडामोडींचे फाटभुंयेर, कांय दिसां पयलींच मुख्यमंत्री दिल्लींत वचून आयिल्ले. थंय तांणी केंद्रीय गृह मंत्री अमीत शाह आनी भाजपाचे अध्यक्ष जेपी नड्डा हांचीय भेट घेतिल्ली. उपरांत ते परतून दिल्लीत वतात हें समजले उपरांत राजकी मळार तर्क-वितर्क लडोवपाक सुरवात जाल्ली. पूण आपल्या पयलींच थारायिल्ले कार्यावळी खातीर ते दिल्लीक गेल्यात. थंय सावन ते उत्तरखंडांत एके कार्यावळी खातीर वतले. मुख्यमंत्र्याची ही खाजगी भोंवडी आशिल्ल्याचें गोपांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
