भांगरभूंय | प्रतिनिधी
नवी दिल्ली, खबरां संस्था ः नोबेल पुरस्कार 2024 विजेत्यांची घोशणा सुरू जाल्या. वैजकी आनी फिजिओलॉजी मळावेले नोबेल पुरस्कार आयज जाहीर जाले. 2024 वर्साचे वैजकी शास्त्राचे नोबेल व्हिक्टर ॲम्ब्रोस आनी गेरी रुव्हकॉन हांकां जाहीर जालां. मायक्रो आरएनएच्या सोदा खातीर तांकां हो पुरस्कार दिला.
वैजकी शास्त्रांतलो निमाणो नोबेल पुरस्कार कॅटलिन कॅरिको आनी ड्र्यू वेसमन हांकां फावो जाल्ले. तांणी दिल्ल्या mRNA तंत्रज्ञानान तयार केल्ल्या कोरोना लसीक लागून कोरोना महामारींतल्यान भायर सरपाक मजत जाली अशें नोबेल पुरस्कार दिवपी समितीन सांगिल्लें. खरें म्हणल्यार कोरोनाच्या काळांत पयलेच खेपे अशें घडलें जेन्ना mRNA तंत्रज्ञानाचेर आदारिल्ली लस तयार जाली. अशीं लस Pfizer, Bio N Tech आनी Moderna कंपनीन तयार केल्लीं.
नोबेल पुरस्काराक 11 मिलियन स्विडीश क्रोनर म्हळ्यार सुमार 8.90 कोटी रुपया रोख इनाम मेळटलें. 1901 वर्सा नोबेल पुरस्कार सुरू जाले उपरांत 2024 मेरेन वैजकी मळार 229 व्यक्तींक हो पुरस्कार मेळ्ळा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
