भांगरभूंय | प्रतिनिधी
चेंबूर, खबरां संस्था: चेंबुराक चाळींतल्या एका घराक उजो लागून पांच जाणांक मरण आयलें.
मेळिल्ले म्हायती प्रमाण, शॉर्ट सर्किटाक लागून हो उजो लागलो. हे घडणुकेची म्हायती मेळटांच पुलिसां सयत उजो पालोवपी हे सुवात आयले आनी तांणी उज्याचेर नियंत्रण मेळोपाचे यत्न केले.
मुंबय म्हापालिकेन दिल्ले म्हायती प्रमाण, सिद्धार्थ नगर वाठारांत चाळींत एका घराक आयज सकाळीं सुमार साडेपांच वरांचेर उजो लागलो. घराच्या मिटर बॉक्सांत शॉकसर्कीट जाल्ल्यान हो उजो लागिल्ल्याचें सांगतात. ह्या घरांत गुप्ता कुटूंब रावता. हे कुटूंब सकाळीं सुस्त न्हिदेंत आसतनाच ही घडणूक घडली. मरण आयिल्ल्यां मदीं दोगां भुरग्यांचोय आसपाव आसा. प्रेम गुप्ता (३०), अनिता गुप्ता (३०), मंजू गुप्ता (३०), परीस गुप्त (७) आनी नरेंद्र गुप्ता (१०) अशीं मरण आयिल्ल्यांचीं नांवां आसात. तशेंच ह्या घरांत हेरूय कांय वांगडी आशिल्ले. तेय ह्या उज्यांत जखमी जाल्यात. तांकां हॉस्पिटलांत व्हेल्यात.
मजगतीं, हे घडणुकेची म्हायती मेळटांत उजो पालोवपी दळाचे जवान रोखडेच पावले. बर्यांच यत्न उपरांत तांकां हो उजो पालोवपाक येस आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
