भांगरभूंय | प्रतिनिधी
मैनपुरी, खबरां संस्था: उत्तर प्रदेशांतल्या मैनपुरी शारांत एका बाळकाचो जल्म जालो. चल्याचो जल्म जातांच नर्सीन त्या बाळकाच्या कुटुंबियां कडेन पयशांची मागणी केली. पयशे दिवंक नाशिल्ल्यान तिणें त्या बाळकाक ४० मिनटां कुटुंबा पसून पयस दवरलें. त्या बाळकाक मेजारूच दवरिल्लो. हे मजगतीं त्या बाळकाची भलायकी इबाडून ताका मरण आयलें. हे विशींची कागाळ सीएमओ हांचे कडेन केली ह्या प्रकरणांत तीन अधिकार्यांचे टिमीन हे विशीं चवकशी केली.
कुर्रा ठाणे वाठारांतल्या ग्राम ओम्हाचे सुजीप हांचो पूत धर्मेंद्र हांणी डीएम आनी सीएमओक कागाळेचें पत्र धाडलां. १८ सप्टेंबराक धर्मेंद्र हांची बायल संजली हिका करहलच्या सीएसची हॉस्पिटलांत दाखल केली. थंय ड्युटीचेर आशिल्ली नर्स ज्योती ही तिका बाळकाच्या मरणाचें कारण थारली.
१९ सप्टेंबराक संजली हांणी एका बाळकाक जल्माक घालो. जल्म जातांच नर्सीन ५१०० रुपयांची इनामाची मागणी केली. जेन्ना पयशे दिवपाक न्हयकार दिलो तेन्ना ते नर्सीन बाळकाक मेजारूच दवरलो. पयशे दियात आनी तिका व्हरात, अशें तिणें सांगलें.
बाळंटेरा वेळार सारकी काळजी घेवंक ना. सुमार ४० मिनटां उपरांत बाळकाक आवय कडेन दिलो. मात तो मेरेन बाळकाची भलायकी इबाडिल्ली. उपरांत दोतोरांनी ताका मरण आयिल्ल्याचें सांगलें. बाळकाक योग्य उपचार मेळून नाशिल्ल्यान ताका मरण आयलें. नर्स आनी हॉस्पिटलाचे निश्काळजीपणाक लागून बाळकाक मरण आयिल्ल्या बाळकाचे आवयक धक्को बसला.
मजगतीं, चवकशी उपरांत ज्योती हे नर्सीक हॉस्पिटलांतल्यान काडली. हें प्रकरण वरिश्टां मेरेन पावलें. उत्तर प्रदेशचे उपमुख्यमंत्री ब्रजेश पाठक हांणी हे घडणुकेची दखल घेतली. तांणी खर चवकशेचे पुलिसांक निर्देश दिल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
