उत्तर प्रदेशः ट्रॅक्टर आनी ट्रका मदीं अपघात, १० जाणांक मरण
भांगरभूंय | प्रतिनिधी
मिर्जापूर, खबरां संस्था ः उत्तर प्रदेशांतल्या मिर्जापूरांत शुक्रारा मध्यान रातीं मानायांक घेवन वचपी ट्रॅक्टर ट्रॉलीक भिरांकूळ अपघात जालो. तातूंत धा जाणांक मरण आयलें जाल्यार तीग जाण जखमी जाले.
मेळिल्ले म्हायती प्रमाण, मिर्जापूर- वाराणसी शिमेचेर कछावन आनी मिर्झामुराद वाठारां मदल्या रस्त्यार मध्यान रातीं १ वरांचे सुमाराक हो अपघात घडलो. म्हायती मेळटकूच एसपी आनी हेर वरिश्ठ अधिकारी घडणूक सुवातेर पावले. ट्रॅक्टर ट्रॉलीचेर आशिल्ले सगळे मजूर भदोहीच्या तिउरी गांवांत छप्पर मोल्डिंगाचें काम करून वाराणसींत घरा परत वताले. तांचो कॉन्ट्रॅक्टर स्कुटरीवेल्यान ट्रॅक्टर- ट्रॉलीच्या फाटल्यान वतालो. दुसरें वटेनच्यान एक ट्रक आयलो. ट्रॅक्टर चालकाक कांयच कळ्ळें ना आनी ताचो ताबो वचून अपघात जालो. अपघाता उपरांत ट्रक चालकान घडणूक सुवातेवेल्यान पळ काडलो. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
