चिंबल जंक्शनाचेर कदंब बस जाल्यार रावणफोंड मोटार उमथली
भांगरभूंय | प्रतिनिधी
पणजीः गोंयांत ल्हान व्हड अपघात चालूच आसा. हांतूत आयज सकाळीं ८.३० वरांचेर चालकाचो मोटारीवेलो ताबो गेल्ल्यान रावणफोंड पुला लागसारा रस्त्या कुशीक मोटार उमथली. हांतूत ड्रायव्हर किरकोळ जखमी जालो. पूण गाडयेचें व्हड लुकसाण जाले.
दुसरें वटेन पणजेच्या चिंबल जंक्शनाचेर आयज सकाळीं १० वरांचेर कदंब बस उमथली. वळण घेतना ड्रायव्हराचो बसीवेलो ताबो गेलो आनी बस उमथली. गाडयेचो ब्रेक फेल जाल्लो अशें कळटा. अपघाताची म्हायती पुलीस आनी उजो पालोवपी दळाक मेळटाच घडणूक सुवातेर येवन प्रवाशांक भायर काडले. ह्या अपघातात कोणाक कांय जावंक ना. जाल्यार न्हंयबाग -पेडण्यां राश्ट्रीय म्हामार्गाचेर म्हाल येरादारी करपी ट्रक उमथलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
